地產新聞 | M2DH貴族之家

主頁 › 地產新聞

更多地產新聞

樓巿檢閱之Yoho 靚過貝沙灣﹖

(陳永道) 2010年2月27日

剛公佈的財政預算案中，有四大政策針針樓巿炒風，不政策大多軟弱無力，故被傳媒笑稱四大疫癈招，傳媒這樣睇，巿場又點睇呢﹖好明顯，巿場都係無理政府啲癈招，如果唔係，元朗Yoho Midtown又點炒到同港島貝沙灣同價。

如果話啲炒家癲咗，一啲都無誇張，點解﹖新一個Midtown千四呎單位1600萬成交，其成交價跟剛易手的一個1400呎的的貝沙灣同價。元朗真的交通改善了，但這個絕不是其爆升的原因，如果說方便，上水及粉嶺都有東鐵到，點解三千幾蚊呎就有交易。

嚴格來說，Midtown現在賣的價係超現實價，炒家要在這盤上賺錢，恐怕唔係咁易。現在經濟真係漸漸好番，但絕對唔係可以令樓價跳價上升，去年樓價己升了近三成，今年應可再升一成以上，不過現在Midtown咁快就谷起個巿，睇怕今年樓價的升幅，會提早係上半年完成。

早前豪宅都好似現在咁，尖沙咀名鑄大幅炒起個豪宅巿，跟住就係天匯，期後其升勢就行人止步，一直横行至現在。作為買家，可以俾得起成千萬元，使乜買元朗樓，用呢個價，跟本就可以買到九龍站甚至中半山一些細價名廈，炒家們，應該醒醒吧!

電話: (852) 2130 0999 | 電郵: info@m2dh.com | 牌照編號: C-088001

本網站提供的信息僅供參考。儘管我們盡一切努力確保準確性，但M2DH不承擔由於任何錯誤，不準確性或遺漏而直接或間接導致的任何損失或損害的責任。