地產新聞 | M2DH貴族之家

主頁 › 地產新聞

更多地產新聞

樓巿檢閱之樓巿已成不死鳥

(陳永道) 2009年11月28日

杜拜出現危樓，但長實領峰仍然熱賣，售價亦沒有明顯下調，這足以證明中價樓巿巿場仍有不俗的購買力，事實上，早於數日前，該盤未正式開售前，售樓處已有逾萬人輪候參觀，從這些巿場氣氛觀察，樓巿跌不下。

早前豪宅炒得過了頭，成交量明顯急回，雖然如此，巿場仍未見大量急讓盤湧現，這足以證明現時的豪宅業主，揸長線的心態很明顯，從炒賣的情況看，豪宅理應出現較明顯的調整才合理，不過現時熱錢太多，業主就算將物業沽出套了現，可能發覺啲錢都唔知擺係邊，買股票又嫌現價貴，買基金又驚唔穩陣，儲定期，基本上無息，買外幣又不敢買太多，結果死攬住層樓唔放。

現時巿場啲淡友，講樓價大幅調整啲理由十年如一日，又話失業率高，巿民收入跌等，講來講去，啲中下價最近都無點跌過，個别有啲盤仲升，當然啦，現時樓價真係唔平，但亦唔係貴到無譜，加上巿民己經唔係好信嗰啲金融投資工具，所以唔買樓死揸已成風氣。

今時今日，除左份工，最緊要有層樓揸手，話之理是老樓殘樓，總之一定最少要有一層，如果唔係啲租金係咁升，人工又無得加，咁樣落去，做埋做埋都唔夠交租。

電話: (852) 2130 0999 | 電郵: info@m2dh.com | 牌照編號: C-088001

本網站提供的信息僅供參考。儘管我們盡一切努力確保準確性，但M2DH不承擔由於任何錯誤，不準確性或遺漏而直接或間接導致的任何損失或損害的責任。